ຖານທັບອາກາດປາກິດສະຖານແຫ່ງໜຶ່ງຖືກຫຼອນໂຈມຕີ
ຕາມຂ່າວສານຊິນຮວາ ລາຍງານ ວັນທີ 5 ພະຈິກ ນີ້ວ່າ: ຕອນເຊົ້າ ວັນທີ 4 ພະຈິກ ຕາມເວລາທ້ອງຖິ່ນ, ສະມາຊິກກຸ່ມປະກອບ
ອາວຸດຫຼາຍຄົນໄດ້ກໍ່ເຫດຫຼອນໂຈມຕີຖານເຝິກຊ້ອມ ກອງທັບອາກາດແຫ່ງໜຶ່ງຢູ່ ນະຄອນມິອັນວາລີ ທາງພາກກາງຂອງປາກິດສະຖານ,
ເຮັດໃຫ້ເຮືອບິນ 3 ລຳໄດ້ຮັບຄວາມເສຍຫາຍ.
ພາຍຫຼັງຫຼອນໂຈມຕີ, ກອງທັບປາກິດສະຖານໄດ້ດຳເນີນການ ເຄື່ອນໄຫວປາບປາມຢູ່ບໍລິເວນອ້ອມແອ້ມ ແລະ ໄດ້ອອກຖະແຫຼງ
ການວ່າ: ກອງທັບປາກິດສະຖານ ໄດ້ສິ້ນສຸດການເຄື່ອນໄຫວປາບປາມການຫຼອນໂຈມຕີແບບກໍ່ການຮ້າຍທີ່ແນໃສ່ຖານເຝິກຊ້ອມກອງທັບ
ອາກາດ ໂດຍໄດ້ສັງຫານສະມາຊິກກຸ່ມກໍ່ການຮ້າຍ 9 ຄົນ. ໃນການໂຈມຕີຄັ້ງນີ້, ບໍ່ມີຍຸດໂທປະກອນໃດໆຂອງປາກິດສະຖານຖືກທຳລາຍ,
ພຽງແຕ່ມີເຮືອບິນທີ່ເຊົາໃຊ້ງານ 3 ລຳ ບວກກັບລົດບັນທຸກນ້ຳມັນເຊື້ອໄຟຄັນໜຶ່ງໄດ້ຮັບຄວາມເສຍຫາຍ.
ອີງຕາມຂ່າວສານຣອຍເຕີລາຍງານວ່າ: ໂຄສົກກຸ່ມປະກອບອາວຸດ ຈີຮາດ ປາກິດສະຖານໄດ້ສົ່ງຖະແຫຼງການສະບັບໜຶ່ງໃຫ້ສື່ມວນຊົນ
ໂດຍອ້າງວ່າຕົນເປັນຜູ້ກໍ່ເຫດການຫຼອນໂຈມຕີຄັ້ງນີ້.
ແຫຼ່ງທີ່ມາ: ໜັງສືພິມກອງທັບ
ວັນທີ 13/11/2023